Hyrje | Intervista | Nje vit pas 21 Janarit, Ina Rama nuk konstaton sulm ndaj Kryeministrise

Nje vit pas 21 Janarit, Ina Rama nuk konstaton sulm ndaj Kryeministrise

Prokurorja e Pergjithshme tha mbreme ne "Opinion" se "21 janari" ishte ngjarje bulevardi dhe kembenguli se nuk ishte sulm ndaj selise qeveritare. Pranoi se hetuesit dekonspiruan tek Edi Rama, kerkesen per arrestimin e gardisteve. Perballe gazetarit Blendi Fevziu, ne emisionin "Opinion" ne Tv Klan, Ina Rama pohoi se asnje akuze per pushtetaret e majte nuk do te shnderrohet ne dosje per gjykate, pasi ceshtjet jane pushuar.

Nje ngjarje ne bulevard. Keshtu e cilesoi serish dje Prokurorja e Pergjithshme, Ina Rama, 21 janarin 2011, ne emisionin "Opinion" ne Tv Klan. Duke folur gjere e gjate mbi ceshtjet me te bujshme, qe jane ne doren e prokurorise, Rama tha se edhe 21 janarin, e quajti ngjarje ne bulevard, pasi ai eshte vendi i ngjarjes. "E quajta keshtu, sepse ai eshte vendi i ngjarjes. Ajo eshte rruga, elementi qe identifikon vendin e ngjarjes. Eshte term ligjor", u shpreh Rama, duke mos u fokusuar te sulmi ndaj Kryeministrise. Rama foli edhe per hetimet ndaj video-pergjimeve te Dritan Priftit dhe Ilir Metes.

Zonja Rama, si ka mundesi qe ekspertiza e FBI-se per ngjarjet e 21-janarit, doli me pare ne shtyp se sa shkoi ne gjykate?

Ne lidhje me ekspertizen e FBI-se, kane dale te dhena qe ne nje fare menyre imagjinoheshin. Sepse eshte proces i gjate.

Por ka pasur citime ne shtyp, jo hamendesime....

Ky eshte nje shqetesim, jo me i madhi qe kemi, por eshte nje shqetesim. Per nje hetim ngrihen grupe hetimore, oficere, eksperte dhe gazetaret jane ne kerkim te informacionit. Eshte shqetesim dhe institucioni me i demtuar ne kete rast eshte Prokuroria e Pergjithshme, pasi rrezikohet se mund te digjen shume hapa. Eshte e veshtire te identifikosh ate qe e nxjerr informacionin dhe mund te them se ky eshte problem edhe ne Shtetet e Bashkuara te Amerikes.

Pse u vonua kaq shume hetimi per ngjarjet e 21 janarit?

Une nuk mund te them se eshte vonuar shume. Koha qe ka marre eshte e nevojshme per kete hetim. Qe ne diten qe ndodhi ngjarja, Prokuroria e Tiranes, e gjitha, ka qene ne detyre, per shkak te natyres se demeve dhe pasojave. U ngriten disa grupe pune, per sektore te ndryshem. Nje grup ne terren, nje per ekspertize, nje tjeter shoqeroi demonstruesit e dhunshem, nje tjeter per t'u marre me anen dokumentare, etj. U pyeten shume persona, u shqyrtuan pamjet filmike nga TV, etj. Pra, eshte pune voluminoze.

Nuk i kryenit dot vete hetimet pa ndihmen e FBI-se?

Per vrasjet dhe serverin e Kryeministrise, u kerkua ndihme. Disa prej ketyre ekspertizave qe na nevojiteshin, ishin te pamundura te realizoheshin ne Shqiperi. Per te pastruar, per shembull, pamjet filmike eshte e pamundur te realizohej ketu. Ne nuk i benim dot vete te gjitha, nje pjese po mund te realizohej, por jo e gjitha. Pati dy arsye kerkesa per ekspertize: per besueshmeri per situaten, qe u krijua ne ate kohe dhe se nuk i benim dot te gjitha.

Por, ne fakt, ju kerkuat ndihmen e SHBA-ve per kredibilitet per Trebicken, per Gerdecin, per 21 janarin. Ku qendron kredibiliteti i Prokurorise se Pergjithshme, kur therrasim gjithnje nje te trete?

Ne kerkojme te rrisim kredibilitetin e hetimit. Kerkuam ndihme per ekspertize balistike. Per Gerdecin, kerkuam eksperte te zjarrit. Nuk i ka prokuroria jone eksperte te tille. I disponon policia shkencore. Kerkuam eksperte per Trebicken, jo sepse laboratori jone nuk ka mundesi, por edhe per nje arsye tjeter thelbesore, sepse ne te tre rastet, ishin te perfshire njerez qe lidhen me pushtetin dhe laboratori eshte ne varesi te Ministrise se Brendshme.

Ka ardhur per 21 janarin nje prokuror amerikan?

Po, ka ardhur, ka asistuar procesin.

Po per organizatoret, keni thirrur eksperte te vecante?

Po hetohen edhe organizatoret. Por edhe per kete pjese, per organizatoret, i kemi kerkuar laboratorit te FBI-se ndihme, kerkuam ekspertize amerikane. Por nuk mund t'i kerkonim oficerit amerikan, qe te pyeste protestuesit ne Lac, Shkoder, etj. Hetimi po vazhdon. Kemi dyshime qe kane qene te organizuara.

Hetimi i organizatoreve, nuk kishte ekspertize, perse? Ju kerkuat heqje imuniteti per 3 deputete te PS-se tani, perse nuk e bete para nje viti, kur nderkombetaret, Kantrimen, Ashton, cituan qe ne fillim: hetim gjitheperfshires...

Perse nuk filluat hetim per 3 deputetet e PS-se apo organizatore te tjere? As nuk u thirren organizatoret...

Perpara se te pergjigjem, te shpjegohem si behet hetimi ne Shqiperi. Hetimi drejtohet nga prokuroret dhe policia gjyqesore ben veprimtarine hetimore. Me Policine e Shtetit, ne kemi raport me te vecante, pra nese ceshtja referohet nga Policia e Shtetit, ajo ka te drejte te beje veprimet qe cmon te arsyeshme dhe te jape mendimin qe ka. Per natyren e ceshtjes ne 21 janar, kemi referime nga Policia e Shtetit, i gjithe hetimi ju ngarkua Policise se Shtetit. Ju ngarkua me urdhra formale dhe verbale. Policia e pati gjithe kohen dhe atributet te bente cdo veprim dhe te propozonte cdo lloj mase, ndaj kujtdo qe ajo e cmonte, deputete, etj. Sepse eshte proces hetimor e bazohet ne fakte ndaj hetimit. Policia e Shtetit sugjeroi pezullim te hetimeve, pasi analizoi gjithcka qe ka bere. Tha se "nuk arrij dot te identifikoj organizatoret". Ne per te garantuar hetim gjitheperfshires, i thame policise jo. Beni hetime te tjera. Kemi bere cdo te hene, takim ne oren 10, deri ne dhjetor dhe nuk patem konkluzion nga policia me. Edhe sot, nuk kemi as keto tre deputete.

Atehere pse kerkoni heqjen e imunitetit per tre deputetet?

Sepse ne cmuam, se nga cfare kemi deri me sot, kerkohen hetime te tjera dhe duhet hequr imuniteti.

I keni marre parasysh deklaratat qe Edi Rama, Spartak Ngjela bene para protestave, per te vdekur....

Prokuroret qe i trajtuan keto deklarata, nuk pane elemente te veprave penale. Per Ngjelen, eshte bere nje deklarate per nxitje dhune. Por ajo, qe te cilesohet e tille, kerkon thirrje reale per individe konkrete.

Urdhri i pare, i menjehershem, ishte per ndalimin e gjashte efektiveve te Gardes se Republikes. Perse u kerkua i gjithe ndalimi i zinxhirit te gardes, ne te njejten dite qe opozita kishte paralajmeruar protesta te tjera, kishte serish rrezik?

Te sqaroj kete termin e zinxhirit te gardes. Keta 6 emra, nuk jane zinxhiri komandues i gardes. Sepse Garda e Republikes ka komandante, drejtues, etj. Pra i kishte te gjithe te tjeret ne funksion. Jemi ne 21 janar dhe konstatuam ngjarje qe kane veprimtari kriminale. E para dhe me e renda jane vrasjet, 3 viktima dhe nje i plagosur rende, qe vdiq me vone. U fol per gjashte te plagosur me arme, ndoshta dhe me shume, gure, mjete...

Qe ju i quajtet ngjarje ne bulevard...

Sepse ai eshte vendi i ngjarjes. Ajo eshte rruga, elementi qe identifikon vendin e ngjarjes. Eshte term ligjor. Pra, kishim viktima, pame pamjet filmike, nuk ishin perdorur arme nga demonstruesit, sepse nuk kishte arme para Kryeministrise. Prokuroret konstatuan ushtare te gardes duke mbledhur gezhoja. Keto te conin se garda kishte tendence per ta manipuluar hetimin. Nga keqyrja e vendit te ngjarjes, ne nuk gjetem asnje gezhoje. Arsyetimi qe beme ishte i tille, kush ka qene nga Garda e Republikes. Pame qe keta individe qe nxorem urdher-ndalimi, ishin ne krye te njesise, nuk e dinim se kush ishin vendosur ne menyre te posacme. Por ata kishin marre persiper te kontrollonin situaten ate dite. Duke pasur dyshime se plumbat kishin ardhur nga garda. Sepse procesi po tentohej te manipulohej, ne e pame te arsyeshme, te pyesnim te 6 komandantet e gardes, pa u dhene mundesi te krijonin variante te tyret, por te merrnim nje rrefim origjinal.

Pse nuk e cuat urdhrin ne gjykate, si bete me arrestimet tani?

Urdhrat e ndalimit jane ne kushte emergjence. Prokuroria e Pergjithshme perdor shpesh urdher-ndalimi ne kushte emergjence.

A kishte te drejte kjo mazhorance, qe te ishte skeptike me ju, qe nje bisede mes jush dhe Burgajt u konspirua nga Edi Rama, ne nje konference per shtyp?

Ne deklarate, Edi Rama nuk i referohet bisedes time me Burgajn. Urdhrat e ndalimit u dorezuan ne Drejtorine e Policise, ne oren 6:00 te mengjesit ate dite. Ne oren 7:00, drejtori i kabinetit te Burgajt, telefonoi nje nga zevendesprokuroret e Tiranes dhe tha se urdhrat nuk ekzekutohen, pasi ka lapsus. Ai lapsus lidhej me faktin se brenda permendej i njejti emer, kur ato ishin per individe te ndryshem. Pas kesaj, u be diskutimi midis Prokurorise te Tiranes dhe personelit te policise, qe nuk ekzekutonte urdhrat. Fakti qe u diskutua kaq gjate, pra ne polici dhe prokurori.... Pasi nuk ekziston rast tjeter qe urdhrat nuk ekzekutohen.

A eshte pergjegjesia juaj nxjerrja e informacionit midis prokurorise dhe policise?

Po, pse te mos jete e policise?

A keni folur me Edi Ramen ate dite?

Nuk kam folur as ate dite dhe asnjehere ne jeten time me Edi Ramen.

Asnjehere?

Kurre. Nuk kam asnjehere bisede telefonike.

Po me zotin Bamir Topi dhe a ka ndikuar ai ne kete hetim?

Kam komunikuar diten qe ndodhi ngjarja dhe ne vazhdim. Ka qene bisede informuese, per gjerat thelbesore. Sic kam komunikuar edhe me Ministrin e Brendshem dhe Drejtorin e Policise.

Mendoni se nje grup i ketyre protestuesve ishte me axhende politike?

Ky eshte nje opinion per nje tryeze politike. Mua nuk me takon te mendoj, por te dyshoj dhe hetoj. Ne kemi nje ceshtje qe po hetojme.

A jeni i sigurt qe grupi hetimor, nuk ka qene i motivuar politikisht per 21 janarin?

Nuk kam asnje te dhene se ka qene i motivuar politikisht.

Thate se ne 21 janar, u krijua pershtypje se po behej manipulim i ngjarjes. Dy dite me pare, nje ish-deputet i PD-se, ndertonte nje skeme tjeter, se ceshtja e Gerdecit shkoi ne gjykate 2 dite para protestes, Ilir Metes ju komunikua akuza dy dite para zgjedhjeve dhe per 21 janarin, dosja ne 19 janar, dy dite para protestes. A ka te drejte mazhoranca t'i shohe me dyshim keto ngjarje?

Te gjitha keto raste, Gerdeci, Meta, etj., lidhen me mbylljen e afatit te hetimeve.

Jemi ne te njejtin argument. Per shembull, emri i Metes, u regjistrua si ceshtje ne 9 shkurt. Afati i hetimit ishte 3-mujor. Ne 9 maj, perfundonte afati. Pra, nese ne ne kete date nuk conim hetimin, atehere ceshtja do te mbyllej. Meta u njoftua ne 19 prill, erdhi pergjigjja e ekspertit britanik. E thirren zotin Meta ne date 2 maj, qe te vinte per t'ia komunikuar. Ai nuk mundi te vije dhe me pas, u shty per ne daten pese. Ka shkrese se ai tha se kishte fushate dhe e kishte fizikisht te pamundur. Pra, jane ceshtje....

Keni ne dore ekspertizen e FBI-se per 21 janarin. Per serverin, u konstatua nga FBI-ja qe ishte riformatuar apo nga prokuroret shqiptare?

Fillimisht, u konstatua ne laboratorin shkencor. Shpresuam se mund te rikuperohej dhe e cuam atje me kete shprese, pasi ishte mundesia e vetme per te pare pamjet nga ana brenda Kryeministrise. Kishim pamje vetem nga jashte. Nuk u rikuperuan dot, por u konfirmua per ate qe kishte bere laboratori, se ishte riformatuar serveri. Ne 4 mars, ne u informuam per nje riformatim qe ju be kamerave. Ne te thuhet, se sistemi i kamerave ka qene ne pune ne 21 janar, kur Kryeministria na tha se nuk ka qene. Edhe ne shkresen e kompanise qe beri auditimin, flitet per formatim. Jane bere 2 formatime ne 21 janar, te konfirmuara. Shkresa e kompanise konfirmoi per formatimin e ores 12 ne daten 21 janar. Kete formatim e konstaton kompania dhe nuk konstaton ate te ores 00:52, te dates 22 janar, qe fshihen pamjet ne server. Ne themi se eshte bere per te penguar te verteten.

Ky person i akuzuar, sic thone te dhenat, nuk merret me kamerat?

Merret me serverin dhe eshte i vetmi qe mund te hyje aty. Ai pranon vete qe ka bere formatimin e ores 12:00 te dates 21 janar, pasi duhet te ishte bosh memoria e serverit. Por nuk pranon se ka bere formatimin e darkes. Garda pergjigjet per kamerat, por jo serverin dhe i vetmi qe ka akses eshte ai.

Ju keni kerkuar akuze vrasje me dashje ne materialin ne gjykate. Jeni e bindur qe eshte vrasje me dashje, apo tejkalim detyre?

Kemi bindjen qe eshte kjo veper, derisa e kemi bere keshtu.

Perse eshte vrasje me dashje?

Kemi konsultuar ligjin per garden, per armet, etj., qe rregullon edhe detyrat qe kane ata qe ruajne institucionet. Ne to thuhet se ne rast se tubimet e ligjshme kthehen ne te kunderligjshme, duhet te perdoret minimumi i forces. Nese tentohet te hyhet ne institucione, personi paralajmerohet me pare, me pas, goditet ne ajer dhe ne fund fare, goditet ai, nese ka rrezik. Ne pame nga pamjet filmike, se keta individe, pra viktimat, nuk kane qene ne keto rrethana. Nese do te ishin ne tentative per te hyre apo te ishin futur ne institucion, do te ishte diskutim tjeter. Ne po diskutojme, qe individet jane jashte dhe po qellohen.

Plumbin rioshet. E keni ngritur si hipoteze, e keni marre parasysh ne rastin e viktimave?

Ne dijenine time, eshte hedhur si hipoteze vetem per viktimen e pare, Ziver Veizin. Ai qe u vra te dera e Kryeministrise. Per te u ngrit ky version, se mund te ishte rikoshet plumbi. Per te tjere nuk kam degjuar. Por per predhen ne trupin e tij, pyetem FBI-ne dhe ata thane se plumbi nuk ka shenja te tilla, qe eshte rikoshet.

Kur do te paraqitet akuza e plote ne gjykate?

Ne po punojme qe ta realizojme ate sa me shpejt. Nuk e them dot sot, sepse ndoshta per shkak te pyetjeve te personave qe po pyeten aktualisht, kerkohen veprime te tjera. Mendojme ta mbarojme sa me shpejt.

A ndjeheni e paragjykuar nga mazhoranca ne kete hetim?

Mazhoranca eshte shprehur per mosbesim.

Kryeministri tha se ju vete jeni per t'u hetuar?

E kam degjuar. Une e shoh si nje presion per hetimin. E vetmja frike qe ndjej si njeri dhe si Prokurore e Pergjithshme, eshte nga ligji. Une i bej gjithnje llogarite me ligjin, kur bej dicka dhe them se perderisa nuk e kam shkelur ate...

Pse nuk e therrisni zotin Edi Rama per kete ceshtje?

Nese do te thirret, do te thirret jo se e kerkoj une, por nese e kerkon nevoja. Nese ai ofrohet per ta dhene deshmine e tij, le ta jape. Mund te shkoje ne prokurori dhe te deklaroje ato qe di.



Si do procedohet me ceshtjen e z. Prifti?


Nuk ka ende nje veprim per mbyllje te ceshtjes. Por sot edhe Prifti, edhe z. Beqiri, jane marre te dy te pandehur per ceshtje te korrupsionit pasiv.

Ish-ministri Dritan Prifti u ka derguar leter. Cila ka qene brendia e saj?

Me ke derguar nje leter, e cila eshte protokolluar zyrtarisht dhe eshte duke u trajtuar zyrtarisht. Ai aty percjell nje problematike te karakterit penal, sic percjell dhe nje element qe lidhet me sigurine private. Une, per kete arsye, nuk mund ta bej publike. Eshte nje leter qe po kalon te gjitha hallkat e prokurorise, qe duhet ta kalojne ate.

Behet fjale per nje raport ne parim apo mes jush dhe z. Prifti?

Behet fjale per nje raport ne parim, une me z. Prifti nuk kam asnje lloj ceshtjeje.

Z. Spartak Braho thote se ka 187 ore pergjime. Cfare do te beje prokuroria?

Kjo eshte deklarate e dhene ne shtyp. Ne do e konsiderojme seriozisht dhe do therrasim z Braho, te na i vere ne dispozicion. Nese ai ka dijeni se ne ato regjistrime ka te dhena penale, ai ka detyrimin t'i sjelle ne prokurori. Sot, une nuk di per cfare flitet. Nese ka elemente penale eshte detyrim i prokurorise qe te hetoje.

Kryeparlamentarja Topalli ka deklaruar ne kete studio se mandati juaj nuk do te perteritet. E dini kete gje?

E kam degjuar, por une as nuk e aspiroj nje gje te tille. Jam indiferente ndaj kesaj ceshtjeje.

Ka nje koment qe mund te jepni doreheqjen, duke i dhene mundesi z. Topi qe te zgjedhe nje kryeprokuror tjeter?

Nuk ka ekzistuar asnje here kjo gje dhe une nuk beje pakte te kesaj natyre. Do qendroj deri ne diten e fundit.

A keni pasur presion politik?

Nuk them qe s'ka pasur presion politik. Por nese do e vleresonit, eshte i gjithe ai qe eshte pare ne media. Nuk kam pasur presione te drejtperdrejta nga askush.

Si jane raportet tuaja me kryeministrin Sali Berisha?

Korrekte.

Paraardhesi juaj z. Sollaku, me se fundi, eshte aktivizuar ne politike. A e shihni veten dhe ju ne politike?

Mua me pelqen profesioni im. Kam investuar shume dhe them se eshte gjeja qe e dua me shume. Une preferoj te qendroj ne profesionin tim. Nuk di cfare do te ndodhe pas 10 vjetesh.

Keni nje plan per diten qe s'do te jeni prokurore?

Nuk bej dot plane.

Ne shkurt 2011, eshte nisur nje kallezim penal per kryengritje nga policia dhe ende s'ka pergjigje?

Policia e Tiranes ka bere nje referim te vepres penale, qe eshte akti zyrtar ku ndodh nje ngjarje, qe njofton prokurorine. Referimi eshte i pasqyruar ne kete akt. Eshte kjo ceshtje dhe eshte ky referimi qe po hetohet. Ne kemi regjistruar nje ceshtje penale dhe policia ka sjelle referimin. Per kete referim eshte kerkuar nga policia te beje hetime. U kemi thene: "merrni dhe hetoheni".

Hetimi i policise mund te fillonte nga tabulatet dhe ato nuk mund t'i merrte policia?

Policia s'e ka thene kete gje, kurre ne rruge zyrtare. Policia nuk percakton radhen e hetimeve, ate e percakton prokurori. Nuk mund te nisesh nga tabulatet, kur duhet te shohesh te dhenat e prekshme. Ceshtjen e tabulateve nuk e ka kerkuar kurre zyrtarisht. Edhe sot nuk thote qe i kerkon tabulatet.

Me informojne se serveri nuk administrohet nga Keshilli i Ministrave?

Serveri administrohet nga Kryeministria, perndryshe pse kthen pergjigje Kryeministria kur ne e pyesim? Pse nuk thote qe kjo nuk eshte ne administrim tone? Ne na ka rezultuar se drejtohet nga IT-ja e Kryeministrise. Ne s'kemi pse administrojme ceshtje, atje ku nuk jane. Te na kishin sjelle nje shkrese ku te na thoshin qe s'varet nga ne, po nga Garda apo dikush tjeter.

Nje deputet me shkruan ne mesash se fjala "oborr" nuk perdoret per rastet e institucioneve te vecanta ?

Mund te jete ashtu. Nuk me duket korrekte qe te merremi me definicione.

Ka pasur disa persona qe kane hyre ne oborr?

I jemi referuar bulevardit, sepse ai eshte vendi ku jane zhvilluar ngjarjet. Nese shkaterrohet godina, ka shkaterrim prone.

Po thoni qe kur sulmohet nje institucion shteteror, akuza eshte shkaterrim prone?

Ne kemi thene qe ka pasur tubim te paligjshem dhe po hetojme per kete. Une nuk mund te beje akuza pa prova. Nese duhet te beje hetime, duhet te them se sulmi kishte kete qellim. Kallezimi nuk eshte prove.

Dyshimi juaj eshte per ngjarje ne bulevard, nuk ka sulm ndaj institucionet?

Ne po hetojme per disa pista.

Si shpjegohet qe gjate mandatit tuaj nuk ka asnje hetim per perfaqesues te opozites? Ju solla dy shembuj: raportin e z. Xhaferraj dhe denoncimin e deputetes Albana Vokshi?

Dua te them nje shpjegim te pergjithshem. Prokuroria nuk eshte institucion qe shkon dh germon per aktivitet kriminal. Ka institucione te tjera qe e informojne. Ajo mund te marre dijeni edhe vete, kryesisht. Nuk ka, ne kohen qe une kam qene Prokurore e Pergjithshme, nga institucione te tjera qe merren me referime ose parandalimin e krimit, ndaj opozites. Nuk me rezulton as te jene pushuar, ne kohen time, ceshtje qe jane referuar dhe me pare. Une nuk mund te marr pergjegjesine per kohen qe une nuk e kam pasur kete detyre.

Te dyja rastet jane hetuar. Ka hetim dhe per rastin e z. Xhaferri. Ceshtja eshte pushuar me vendim te Prokurorise se Tiranes. Eshte hetuar gjithe raporti qe percolli komisioni parlamentar. Eshte konstatuar qe ne thelb ka pasur nje konflikt interesi nga dy anetare te KKRT-se ne procesin e dhenies se lejes. Nuk ka pasur element pasoje, pasi ne kohen qe eshte bere hetimi, Bashkia e Tiranes kishte pezulluar dhenien e lejes se ndertimit. Eshte konstatuar se ILKD-ja ka gjobitur te dy keta anetare te keshillit, per konflikt interesi. Ne terma ligjore do te thote se aty nuk ka veper penale. Sepse ILKD-ja gjobit kur nuk ka veper penale. Per 20% e famshem, mund ta quajme te famshem, eshte ceshtje qe eshte permendur shume shpesh. Eshte regjistruar nga Prokuroria e Tiranes. Morem spunto nga nje deklarate publike qe beri deputetja Albana Vokshi. Eshte bere hetim i plote, jane pyetur aktoret pjesemarres ne proces, jane pyetur gjithe aktoret pjesemarres ne proces. E para: erdhen dhe deklaruan se Dritan Avllaj ishte bere pjese e kontrates kundrejt investimit te tij financuar. Vokshi ka deklaruar ne prokurori, ndryshe nga sa ka deklaruar ne Kuvend: "ishte nje perceptim politik". Ajo ka thene se kishte degjuar se ky shtetas ishte sekser i Rames, por me pas, ishte vene ne dijeni se ky person ishte pjese e kontrates, pra ishte aksioner dhe "gjykova qe ky eshte ketu per shkak se eshte sekser i Edi Rames". Te gjithe te tjeret kane deklaruar te njejten. Por thelbesisht, ai eshte futur aty me investimin e tij. Pra, po keta qe kane shtuar ceshtjen, e kane perjashtuar kete.

Ekspertet thone se videoja Meta-Prifti nuk degjohet. Pse kerkuat denimin e tij?

Ekspertet e huaj nuk thone se nuk degjohet. Kjo eshte nje ceshtje, qe nuk e kane thene. Nuk mund te thone nese degjojne nje fjale shqip. Zeri degjohet dhe kete e thene edhe ekspertet shqiptare. Nuk percaktohet nese degjohen apo jo.

Ju i kini thene Parlamentit se video eshte bere me ore. Ne fakt, eksperti thote regjistrimi nuk u be me ore?

Nuk e di nese e kam thene kete gje ne Parlament.

Per heqjen e imunitetit i eshte thene Kuvendit se eshte regjistruar me ore?

Une e kam ketu kerkesen qe i kam derguar Parlamentit. Ne thelb i kam thene kete gje: "Sipas konkluzionit te aktit te ekspertimit, rezulton se video-regjistrimi objekt ekspertimi eshte i patjetersuar, personat qe jepen ne video jane te patjetersuar dhe shkalla e gabimit eshte zero". Dhe ky eshte citim nga akti i ekspertimit qe ka sjelle eksperti.

A ishte regjistruar ne ore?

Videoja, sipas eksperteve, eshte regjistruar me oren kamera.

Ne 6 transkripte nga prokuroria nuk permendet as 7 % as 700-mijeshi?

Permendet 7 %, nuk permendet 700-mijeshi. Ne nuk kemi thene qe zoti Meta me tha 700, sepse e kemi degjuar ne, por sepse e ka thene deshmitari z. Prifti. Kjo ka qene baza ku e mbeshtetem kete fakt.

Koha Jone

Komente (0 publikuar)

total: | Treguar:

Publikoni komentin tuaj

Ju lutem fusni kodin qe shikoni ne imazh:

Captcha
  • Email shokeve Email shokeve
  • Print version Print version
  • Vetem tekst Vetem tekst

:

Ska tags per kete artikull

Vlereso kete artikull

5.00
Powered by www.merbraha.com v4.7