Bamir Topi, Presidenti i ri i Shqipërise

0

Bamir Topi, Nënkryetar i Partisë Demokratike, u zgjodh President i ri Republikës së Shqipërisë, gjate një votimi në Parlament, ku ishin të pranishëm 90 deputetë.

Zgjedhja e Presidentit të Shqipërisë u bë në votimin e katërt, ku Zoti Topi mori 85 vota, ndërsa kandidati tjetër, Neritan Ceka, i Partisë Aleanca Demokratike, mori vetëm 5 vota.

Situata e zgjedhjes se Presidentit të ri të Shqipërisë u zhbllokua nga pjesëmarrja në votimin e katërt edhe të një grupi deputetësh të Partisë Socialiste, që cilësohen si mbështetës se ish-kryetarit të kësaj partie, zotit Fatos Nano, edhe ky kandidat për President, por i skualifikuar në votimin e tretë, kur në garën për President u fut Neritan Ceka.

Menjeherë pas përfundimit të votimit, zoti Topi falenderoi kryeministrin e Shqipërisë, zotin Sali Berisha, për mbështetjen e gjerë që i dha në procesin e kandidimit të tij për President, ndërkohë që u shpreh se sapo kishte marrë urimet e para nga Presidenti i Kosovës, Fatmir Sejdiu.

Ai vlerësoi edhe kandidimin e Cekës, kandidim, i cili, u shpreh ai, i dha vlerë procesit të zgjedhjes së Presidentit. Edhe zoti Ceka e uroi zotin Topi për detyrën e re të Prersidentit dhe shtoi se dëshironte që ai të tregojë ato vlera, që ka treguar deri tani.

I menjëhershëm ka qenë edhe reagimi i partisë më të madhe të opozitës, asaj socialiste, e cila përmes kryetarit të grupit të saj parlamantar, zotit Ben Blushi, e cilësoi procesin e zgjedhjes së Presidentit si të papranueshëm dhe të turpshëm. Pas kësaj, zoti Blushi njoftoi edhe dorëheqjen e tij nga posti i Kryetarit të Grupit Parlamentar të socialistëve.

Në përfundim të votimit, që nxorri Presidentin e ri të Republikës së Shqipërisë, Kryetarja e Parlamentit, Jozefina Topalli u shpreh se fitoi parlamantarizmi dhe se të hënën do të zhvillohet ceremonia e betimit të Presidentit të ri te Republikës së Shqipërisë.

Zgjedhja e Presidentit të ri të Shqipërisë erdhi pas një debati të gjatë disa mujor, dështimit të tryezës së bisedimeve mes pozitës dhe opozitës për gjetjen e një Presidenti konsensual dhe futjes së procesit në rrugën parlamentare.

Me zgjedhjen e Presidentit të ri të Shqipërisë shmanget edhe mundësia e zgjedhjeve të parakohëshme, për të cilat Partia Socialiste në opozitë kishte filluar përgatitjet që prej me shumë se një jave

Leave a Reply

Your email address will not be published. Required fields are marked *

error

Nese e pelqyet ket artikull? Ju lutemi përhapni fjalën :)

Follow by Email
YouTube
YouTube
Tiktok