Bastardim i traditave të lashta Iliro-Dardane!

0

Shkruan: Florim Zeqa

Në një ndejë diku në Rrafsh të Dukagjinit, njëri e pyet hoxhën, çka ka pas xhenetit (parajsës), ai nuk iu përgjigj, e pyet përseri, ai nuk iu përgjigj, ndërsa kur e pyet herën e tretë, hoxha i mllefosur i përgjigjet; pas xhenetit “serrnisht” e ki shko kah të duash!

Siq duket, pushtetarët e rinjë të dehur pas luksit të pushtetit pak si herët na dolën në “serrnisht”!

Në mbrëmjen e së hënës së 25 tetorit, njëra nga hapësirat luksoze, poashtu të njërit nga hotelet më luksoze në vend (Emerald) mori pamje krejt tjetër. E mori pamjen e një shtalle kafshësh. Në vend të karrigëve u vendosen duaj sane e kashte, mbi të cilët u ulen njerëzit e veshur me petkun e pushtetit, familjarë të tyre dhe njerëz të afërt me ta.

Për mbarëvajtjen apo më mirë të themi për mosgërvishjen e prapanicave nga fijet e kashtës, iu kishin vendosur jastekë të butë pambuku!

Pak ka rëndësi, se e kujt ishte ideja e vendosjes së jastëkëve të pambukut mbi duaj të kashtës, po kjo ishte ide briliante për të evituar rastet emergjente gjatë këtij evenimenti cirkusial!

Si produkt i kësaj darke të pasur në ambient të “varfër”, i kësaj avanture të çmendur të pushtetarëve, më i pasuri na doli pronari i hotelit Emerald, i përzgjedhuri i pushtetarëve të pasur me para të shtetit, të cilit i mbushën mirë arkën dhe jo vetëm!

Me fat ishte edhe bujku apo fermeri, të cilit i janë paguar më shtrenjtë si asnjëherë më parë duajt e sanës dhe të kashtës!

Nuk i dihet, mbase ma shtrenjt i ka kushtuar buxhetit të shtetit një dukë kashtë sesa menyja e hotelit!

Pavarësisht çmimit të sanës dhe kashtës, ky ishte abuzim me ushqimin e kafshëve për një kafshatë të ëmbël nga buxheti i shtetit, apo më mirë më thënë nga djersa e popullit të varfër!

Asnjë pikë faji nuk e ka pronari i hotelit, fajtore është presidentja dhe kryeministri, këta dy gardianët e djersës së qytetarëve, të cilët gjatë fushatës zgjedhore patën premtuar se do ta ulin koston buxhetore për dreka dhe darka luksoze për ta ngritur mirëqenjen e qytetarëve!

Thaujse nuk gjetën vend tjetër pos në hotel luksoz për ta mbajtur “Darkën e Lamës”!

Nuk iu mjaftuan sallat e mëdha në ambientet e institucioneve të shtetit për ta shënuar në mënyrë simbolike këtë traditë të lashtë të popullit tonë!

Aq keq e bastarduan kësaj radhe këtë festë të lashtë Iliro-Dardane, saqë ngjau në gjithçka tjetër, por më së paku në Darkë të Lamës!

Na ishte kjo darkë familjare apo aheng i zyrtarëve me kollare të cilët fare nuk çajnë hallin e qytetarëve, që nuk po arrijnë dot t’i përballojnë ngritjes së çmimeve me pagat më të ulëta në rajon?!

Sikur pushtetarët ta organizonin Darkën e Lamës siq e organizojmë ne në mërgatë me forca vetanake, duke e mbuluar gjithçka nga buxheti familjarë, jo vetëm që nuk do të shkonin në Emerald, nuk do të ftonin kaq shumë njerëz dhe as që do t’u bie ndërmend për duaj të kashtës dhe sanës, por do t’iu përshtateshin traditave dhe zakoneve popullore.

Fotografitë nga vendi ku u mbajtë e ashtuquajtura “Darkë e Lamës”, e tregojnë në mënyrën më besnike gjithçka, filluar nga dizajni, ushqimet dhe pjesëmarrja e cila ishte shumë largë traditave popullore!

Kjo maskaradë e dy manipulantëve, Kurtit dhe Osmanit nuk guxon të përfundoj më kaq!

Duhet të ngritet si çështje abuzive në seancën e parë të Kuvendit të Kosovës, për t’ia kaluar më pas çështjen prokurorit të shtetit për të verifikuar koston tatale të këtij ahengu të pushtetarëve, pse jo, të mos bëhet edhe verifikimi i çmimit të duajve të kashtës dhe sanës!

Leave a Reply

Your email address will not be published. Required fields are marked *

error

Nese e pelqyet ket artikull? Ju lutemi përhapni fjalën :)

Follow by Email
YouTube
YouTube
Tiktok