Fjala e thënë nuk kthehët mbrapa, shkronja e shkruar vret e fryma jep jetë

Nga Nue Oroshi

Në të kaluarën jo të largët kur është respektuar tradita tek në shqiptarët janë zgjedhur fjalët.Ato nuk janë thënë vend e pa vend.Shpeshherë për fjalën e thënë pa vend ka ardhur edhe deri tek problemi apo konflikti në mes të familjeve.Për këtë shqiptarët gjithmonë tradicionalisht kanë pasur kujdes kur e kanë folur fjalën.Për faktin se fjala e thënë nuk mund të kthehët mbrapa.Ajo merr dheun dhe si një rrufe e fuqishme shkon fshat në fshat e qytet në qytet.Të flasish pa mbulesë dhe të lëshosh fjalën siç thoshte populli si “bullica baglën”, nuk është në rregull.Është fatkeqësi se sot shqiptarët nuk janë ata që kanë qenë me herët.

Ata madje edhe pa pasur argumente fare i lëshojnë fjalët edhe për temat që fare nuk i njohin,vetëm për t´iu përmend emri dikund, si dhe për njerëzit apo personalitet që asnjëherë nuk e kanë pirë asnjë kafe se bashku.Flasin e flasin dhe asnjëherë nuk ndalën ata të cilët vërtetë jetojnë me fjalët dhe gënjeshtrat që mbjellin dhe që ju kanë bërë rutinë gjatë tërë jetës.

Është për tu theksuar se kur shikon ata të cilët lëshojnë fjalët pa i matur fare janë ata të cilët në të shumtën e rasteve, nuk janë rritur në oda të burrave por aty- këtu janë fëmijë që janë rritur pa tabanë kombëtar.Nuk është e rastësishme që në të kaluarën jo shumë të largët prindërit tanë nëpër oda të burrave ku kanë qenë edhe me dhjetra apo qindra përsona për ti thënë një fjalë që e meritonte ndonjëri që i kishte humbur tiparet e burrërisë ja sillnin për rreth dhe më në fund i thonin atë që e deshironin.E sot fatkeqësisht një pjesë e shqiptarëve flasin e flasin dhe nuk e kontrollojnë fare gojën se çka flasin për faktin se truri i tyre ju është mbështjellur më një levozhgë e cila iu ka bllokuar trurin dhe çdo gjë e shohin bardhë e zi, duke mos menduar fare se në demokraci nuk janë vetëm dy ngjyra bardhë e zi por demokracia ka shumë ngjyra dhe shumë mendime.Edhe mendimi i tjetrit duhet respektuar dhe nuk duhet të thuhet qdo herë se unë kam të drejtë dhe të gjithë të tjerët e kanë gabim.

Bota demokratike ka ecur përpara në shumë aspekte por edhe në politikë.Ata e respektojnë mendimin e tjetrit por nuk e votojnë atë kur të vijnë zgjedhjet.E shpesh kur takoheshin konkurentët politik në Gjermani i uronin njëri-tjetrit shëndet të plotë por jo edhe sukses në zgjedhje, se suksesin dëshironin ta ketë partia apo grupi politik që ata i takonin.Në këtë vit në të dy shtetet tona shqiptare Kosovë dhe Shqipëri do të kemi zgjedhje.Si duket një pjesë e politikanëve në dy shtetet tona kanë qendruar jashtë odës se burrave dhe janë rritur rrugëve dhe bulevardeve të qyteteve dhe shpeshherë gjuha e tyre i ngjanë gjuhës se rrugaqërisë e jo gjuhës se politikanëve modern që duhet menduar se çfarë thonë.Edhe me keq janë disa të ashtuquajtur gazetar e analist që pas shkrimeve të shumta që shkruajnë dhe statuset e tyre në fb shihen qartë se nuk janë analista të pavarur por janë të shitur tek partitë politike që më vonë do ti shohim nëpër listat e partive të ndryshme politike.

Por një gjë nuk duhet të harrojnë as politikanët e as gazetarët dhe analistat se ajo që thuhet dhe shkruhet mbetët. “Shkronja vret e fryma jep jetë “është një fjalë e vjetër.Të shkruash atë që edhe vet e dinë se nuk është ashtu por duhet të ja plotësosh deshirën shefit të partisë nuk paraqet fare burrëri dhe as mendim personal të logjikshëm por vëtëm shëndrrim në një militantë partiak që nuk din të mendon me kokën e ti por vetëm me kokën e partisë.

Të gjithë votuesit e partive politike në Kosovë dhe Shqipëri ësht mirë që çdo partie politike ti kërkojnë programet qeverisese që nëse nesër vijnë në Qeveri si e kanë planifikuar qeverisjen dhe cili është projekti i tyre konkret për ta dërguar vendin përpara.Po njashtu duhet kërkuar edhe kandidateve për deputet në çdo zonë elektorale apo në rrethe prej nga vijnë se qfarë kanë planifikuar ata në mandatin katërvjeçar të bëjnë për zonën,qytetin apo fshatin e tyre.

Të flasësh apo të shkruash për të paarritshmën dhe që nuk ke fare mbulesë se si do të bëhet dhe realizohet qeverisja dhe cilat janë hapat që do të qojnë vendin përpara, i ngjanë fjalës se hedhur në ajër.Apo fjalëve boshe siç kanë thënë në të kaluarën.Prandaj gjatë fushatave elektorale që shihen që do të jenë të ashpra në Kosovë dhe Shqipëri duhet ruajtur fjala që mos të lëndojnë pa nevojë njëri-tjetrin vetëm për disa vota.Ajo qçka është e vërtetë duhet te thuhet.Por gjatë fushatave më tepër duhet bërë dhe zhvilluar luftë idesh se sa atakime individësh.

Do të jetë shumë mirë dhe mbarë kur politikanët tanë të luftojnë me njëri- tjetrin se si do ti realizojnë programet e tyre.Kandidimi pa program i ngjanë vrapit te lirë të një vrapusi jo profesionist i cili ka ndëgjuar vetëm për maratonën por nuk e di fare se ku duhet të vendoset pika për të arritur deri të fundi i maratonës.Sikur politikanët tanë të kishin punuar tash e 21 vjet së bashku duke i shkrirë mendimet me profesionistët se si duhet të qeveriset shteti,sa kohën e humbin se si duhet të mirret dhe ruhet pushteti dy shtetet tona shqiptare do të ishin në një gjendje më të mirë, në shumë aspekte.

Është fatkeqësi se përveç politikanëve edhe disa të ashtuquajtur analist janë duke i mbajtur krahun partive të ndryshme politike ku sapo ta hapin gojën i vren direkt se cilës parti politike i takojnë.Se paku nuk duhet mashtruar opinioni dhe të thuhet se jemi të pavarur.Është normale të antarësohesh në parti politike dhe ti vazhdosh përpjekjet për të mbrojtur konceptin politik që i takon.Ruajtja e gjuhës është pozitive edhe për ruajtjen e mendjes,e ta ruash mendjen nuk e thuash fjalën qe pasi të del nga goja ke dëshirë ta përtypësh por nuk mundesh, e nuk e shkruan as shkronjën qe vret por e ruan frymën e cila te jep jetë.

Leave a Reply

Your email address will not be published. Required fields are marked *

error

Nese e pelqyet ket artikull? Ju lutemi përhapni fjalën :)

Follow by Email
YouTube
YouTube