(http://www.merbraha.com/files.php?file=SharonStone_741665405.jpg)
"Lumturia e vërtetë të vjen nga brenda, pasi askush nuk mund ta dhurojë. Sado e vogël të jetë një ide në kokë, nëse fillon të rritet, herët a vonë do të marrë udhë e do të funksionojë." Janë fjalët e Sharon Stone, ikonë seksi që nga viti 1992, kur në filmin "Basic Instict" qëndroi pa mbathje këmbë përmbi këmbë përpara hetuesve, në rrolin e shkrimtares misterioze biseksuale Catherine Tramell.
Nga Olti Curri
Aso kohe ishte vetëm tridhjetë e katër vjeç. Sot, sapo i ka mbushur të pesëdhjetat, duke ruajtur të njëjtin sharm, edhe pse i është dashur të përballet me sëmundje të tmerrshme. Nga ikonë seksi, me kalimin e viteve Sharon, për të ecur përpara është bazuar te një tjetër pikë e fortë e saj, inteligjenca. Pikërisht ky tipar e bën edhe sot këtë aktore kaq tërheqëse: ish-vogëlushe me zhvillim të përparuar, e cila në moshën e kopshtit, 5-vjeçare, ishte në klasën e dytë fillore dhe, kur moshatarët e saj15-vjeçarë ishin në vitin e dytë gjimnaz, ajo kishte një nivel zgjuarsie në kuotën 154 (këtë radhë ky nivel i dha mundësinë të studionte në universitet).
(http://merbraha.com/files/sharon_stone1.jpg)
Kritikët e yjeve të kinemasë ia dedikojnë këtë shkëlqim të paperëndueshëm të Sharon Stone faktit se ajo ka ditur të plaket me stil. Ajo nuk e ka humbur shkëlqimin fëmijëror të syve, me të cilët i çarmatos të gjithë. E thjeshtë dhe shumë elastike, edhe në rastet më mondane, Sharon Stone për shumë vite radhazi është zgjedhja e mbretit të muzikës pop Elton John, si moderatore në mbrëmjet e bamirësisë që ai organizon së bashku me shtëpinë e stilimit të diamanteve Choprad, pas ndarjes së Çmimeve Oscar. Diva e ekranit të kinemasë prej disa vitesh është shndërruar në përkrahëse të gjithë atyre që duhet ende të luftojnë për të drejta të mohuara.
Aktroja lindi në 10 mars 1958 në Meadville të Pennsylvanisë dhe është e dyta ndër katër fëmijët e një familjeje të thjeshtë. Nëna e saj, siç e do tradita në zonat e thella të Amerikës, ishte shtëpiake, ndërsa babai punëtor i thjeshtë.Ambicioze që në moshë të re, Sharon ishte e bindur të mos jetonte në ato kushte që fati i kishte parashtruar, por të ngjitej lart në shtresat më të larta shoqërore. Shpejt vajza e kuptoi se zotëronte një bukuri, të cilën vendosi ta përdorë në ndihmë të asaj që duhej të arrinte. Merr pjesë në disa konkurse bukurie derisa në moshën shtatëmbëdhjetëvjeçare fiton titullin e “Miss Pennsylvania”, ngjarje që i jep mundësi të niset për në Nju-Jork.Në qytetin e mundësive të jashtëzakonshme Sharon fillon të hedhë hapat e para në botën e modës, ku i ofrohen role si modele reklamash televizive. Paratë e fituara si modele janë motiv krenarie për Sharon dhe shqetësim i pavend për prindërit e saj, të cilët në atë periudhë ishin shumë të preokupuar se mos vajza e tyre shoqërohej me njerëz pak seriozë. Sidoqoftë, rruga e fillimit për t’u bërë të njohur është e vështirë për t’u ngjitur dhe patjetër që t’i afrohesh suksesit duhet të bësh kompromise. Kështu ndodhi edhe me Sharon Stone, e cila në maj të vitit 1990 u përfol gjatë për fotot e saj pikante të realizuara për kopertinën dhe brendinë e revistës për meshkuj “Playboy”.
Viti 1980 sheh debutimin e saj në kinema, falë nuhatjes së maestros së kinemasë Woody Allen, i cili i besoi rolin e biondes seksi mafioze në filmin “Stardust memories”. Këtë debutim e ndjekin disa role të dorës së dytë, mes tyre “Minierat e mbretit Salomon”(1985), “Shkolla e policies” (1987) dhe “Aksioni Jackson” (1988).Më 1990 Sharon vihet në krah të Arnold Schwarzenegger për “Dëshmi force”, një film fantastiko- shkencor I bazuar në librin “rekord shitjesh” të shkrimtarit të njohur të kësaj fushe,Philip K. Dick. Por suksesin e vërtetë vajza tërheqëse dhe mjaft inteligjente, ndryshe nga etaloni i bukurosheve “bosh”, duhet ta presë ende.Më shumë duket si një shaka e fatit, po të mendosh sakrificat që duhet të kalojë një aktore e re për të interpretuar në një film. E kur ajo rastësisht gjendet në një rol e vendosur përballë hetuesve këmbë përmbi këmbë, pa të mbathura,suksesi mbërrin vetëm në pak ditë. Për hir të së vërtetës, kjo është një skenë historike që ka hyrë mes legjendave të kinemasë. Filmi në fjalë është “Basic Instict”,drejtuar nga Paul Verhoeven, dhe njihet si një nga sukseset më të mëdha të industrisë kinematografike të Hollywoodit. Në këtë film Sharon interpreton një femër misterioze,shkrimtare e librave të verdhë, e etur për aventura dhe biseksuale.Tërheqja e saj seksuale gati e ftohtë, linjat e prera si të një statuje, vështrimi manjetik dhe njëkohësisht i akullt e ndihmojnë figurën e saj si aktore për t’u bërë sa më bindëse për publikun dhe vetë Sharon të shndërrohet në ikonën seksi të viteve 90. Historia jetësore e divave të kinemasë gjithmonë ka vërtetuar se në kohën kur je në majë të suksesit është e vështirë ta mbash. Në këtë rregull nuk bën përjashtim edhe e talentuara Sharon Stone. Vitet që pasuan ishin burim zhgënjimesh për të. Në fakt,interpreton në shumë filma, por nuk mundet të risjellë suksesin e madh të shkrimtares vrasëse; kjo ndihet edhe në rënien e shitjes së biletave.Gjendja në fjalë nuk përmirësohet edhe me filmin ”Sliver” (1993), që tenton të përsërisë formulën e “Basic Instict”. I njëjti dështim i vjen aktores edhe kur ajo vendos të prodhojë vetë filmin e saj “Gati për të vdekur” (1995).
Roli që do t’ia ripërtërinte suksesin Sharon Stone ishte “Casino” (1995), drejtuar nga talenti i regjisorit Martin Scorsese.
Këtij rikthimi, nën dritën e prozhektorëve të suksesit, nuk I munguan edhe kujdesi dhe kurioziteti i shtypit rozë, gjithmonë në kërkim të dashurive të aktores së njohur.Natyrisht, i janë atribuar dashuri të shumta, duke nisur nga prodhuesi kinematografik Michael Grennburg (martesa e parë e dështuar), këngëtari folk Dëight Yoakam, djalit të një tjetër prodhuesi filmash Chris Peters,dhe Bill McDonald, që ishte po ashtu prodhues i filmit ”Sliver”(për lidhjen me Sharon ai la gruan dhe vetëm pak kohë më vonë ishte ai që u la nga aktorja). Sharon Stone ditën e Shën Valentinit, pikërisht më 14 shkurt 1998, i la të gjithë gojëhapur duke njoftuar se do të martohej me një zotëri shumë larg botës së Hollywoodit, gazetarin Phil Bronstein (por shumë i njohur në botën e medies amerikane), I dalluar si një burrë me humor dhe shumë inteligjent. Sot çifti jeton ende bashkë në Beverly Hills, në një shtëpi mahnitëse që ngjan me kështjellat franceze.Bashkë më impenjimet në kinema,Sharon Stone nuk ka refuzuar edhe ofertat për të qenë imazhi zyrtar I likerit Martini dhe bankës italiane “Banca 121”.Megjithëse është një personazh i fortë i kinematografisë botërore, deri më sot Sharon Stone nuk ka marrë kurrë asnjë çmim, përveç emërimit në vitin 1997 në urdhrin ”Legion d’Onore” nga ministri i Kulturës franceze.Sapo mbushi 42 vjeç, aktorja, së bashku me të shoqin, adoptuan njëvogëlush njëmuajsh. Ky fakt i lumtur,
MILIARDERI RUS KËRKOI TË BLEJË SHARON STONE
(http://merbraha.com/files/sharon_stone2.jpg)
Duket si skenë e filmit "Propozim i ndyrë", interpretuar nga kolegia Demi Moore, por në fakt Sharon tone, pak kohë më parë mori një ofertë jo fort të zakonshme nga jë biznesmen rus. Bukuroshes së "Basic Istinct" iu ofruan 1,5 ilionë dollarë, që ajo të pranonte ftesën për të qëndruar disa ditë në ilën përrallore të miliarderit rus. Lajmi në atë kohë u bë i ditur nga azeta "Komsomolskaia Prava" dhe nga burime afër aktores u ësua se ajo e kishte refuzuar atë ftesë. E paimagjinueshme, por ka ndodhur. Madonna imitoi Sharon Stone Ajo vetë është lider në krijimin e tileve të reja në paraqitje, por edhe Madonna nuk mbeti pa rrëmbyer nga vezullimi i Sharon Stone. Në vizitën e saj në Tokyo,kur sapo kishte mbushur 48 vjeç, Madonna u shfaq me një look që të gjithëve u kujtoi atë të aktores së Basic Instict. Me balluke të prera shkurt, flokë në ngjyrë platini të krehura drejt, Madonna ngjante me të vërtetë si motra binjake (kloni) i Sharon Stone.Sharon, profesoreshë e provokimit. Pesëmbëdhjetë vjet pas interpretimit në "Basic Instict", Sharon Stone vazhdon të provokojë. Gjatë vizitës së fundit në Paris,aktorja është fotografuar me veshje që linin shumë pak vend për të fantazuar.
Me xhinse të bardha në trup dhe një xhaketë të zezë mbi supe,aktorja kishte mbi lëkurë një bluzë fare të hollë, që nuk i mbulonte asgjë. Transparenca e veshjes mbi trupin pa të brendshme, nuk fshihte asgjë nga format seksi të aktores së njohur.